Stryn Ap - dette har vi sendt til Stryn kommunestyre

Innspel til NTP 2022 - 2033 frå Stryn kommune.

(Denne teksten arbeider vi med å få politisk støtte for i kommunestyret)

Stryn kommune ligg sentralt til i kommunikasjonen nord-sør og vest-aust. Nord-sør-aksen skal byggjast ut med vedteken E39 mellom Byrkjelo i Gloppen kommune og Grodås i Volda kommune. E 39 skal både knyte Vestland fylkeskommune saman med Møre og Romsdal og byggje ein ny bu- og arbeidsmarknadsregion. Rv 15 er aust-vest aksen som bind saman heile Nordfjordregionen og Sunnmøre mot Ottadalen og E6 – Oslo og Trondheim.

Stryn kommune, og heile regionen, er avhengige av å sikre det potensialet regionen har, med stabile vilkår for næringslivet og ein bu- og arbeidsmarknad for framtida. Gode og sikre gjennomfartsårer og sambindingsvegar er ein føresetnad for næringsutvikling og bu-lyst.

Stryn kommune kjem med følgjande innspel til NTP for perioden 2022-33: 

1. Rv15 Strynefjellet som tunnelsikkerheits- og skredsikringsprosjekt 

RV 15 er i NTP 2018 – 2029, kapittel 13.1, omtala som ein del av korridor 6; E6 Oslo – Trondheim med armar til Måløy, Ålesund og Kristiansund.Rv 15 er ein nasjonal transportkorridor og regionen si viktigaste tilkopling til E6, både mot Trondheim og Oslo. Næringslivet, transportnæringa og kollektivtrafikken er avhengig av tilnærma 100% regularitet over Strynefjellet. Regionen har fått eit sterkare fokus på heilårsdestinasjonar innan reiselivet. Stadig stenging av Strynefjellet, grunna ras og rasfare haust og vinter skaper store problem for store delar av Nordfjord og delar av Møre og Romsdal. Både klimaendringar og låge og smale tunellar, som ikkje tilfredsstiller krava i Tunnelsikkerheitsforskrifta innan fristen i 2025, transporttekniske krav og ein usikker vinterveg over Strynefjellet gjer aust-vest sambandet særs krevjande for næringslivet og innbyggarane i ein stor region med årleg verdiskaping på NOK 73 MRD. Kollektivtransporten mot Oslo og Trondheim, som inkluderer reiser frå Bergen / Førde, Måløy og Møre mot Trondheim og Oslo, må ha sikker transportrute.Næringstransporten går dagleg med fersk fisk frå kysten, mjølk frå Austlandet til TINE Byrkjelo og kjøtvarer til og frå indre Nordfjord, og desse har dårleg tid. Varelageret er i dag i traileren på veg til kunden. I tillegg er her stor trafikk av andre verksemder i regionen. (Ringnes, Lerum, Stabburet). Regjeringa si målsetjing er å føre meir gods over frå veg til bane. Det er då eit viktig moment at Rv15 med knutepunkt til jernbane på Otta og hamn i Måløy, må ha tilnærma 100 % regularitet over Strynefjellet. RV 15 Måløy – Otta er det det einaste ferjefrie heilårssambandet mellom Sognefjorden og Storfjorden mot E6 i Gudbrandsdalen.Når regjeringa valde konsept B1, den 24.06.18, (ny tunnel mellom Skåre i Stryn kommune, Vestland fylke og Breidalen i Skjåk kommune, Innlandet fylke), vart det lagt vekt på at tunnelen vil eliminere 12 ras-utsette parti, redusere stigninga frå 11 % til under 5 %, som er kravet for nye tunnelar, og får tilbake trekkruta og kalveområdet for den viktige villreinstammen på Strynefjellet. Regjeringa har alt vedteke konseptvalet og det er ingen lokal strid om traséval.Stryn kommune meiner at Rv15 er så viktig og at rasfaren og tunnelstandarden utgjer ei så stor utfordring for næringslivet og busetting i regionen at vegen må sikrast med ny tunnel Skåre – Breidalen, etter konsept B1 tilrettelagt for arm til Geiranger snarast. Dette må inn som tunnelsikkerheits- og skredsikringsprosjekt i fyrste periode av NTP 2022-2033.  Stryn kommune peikar også på at Nordfjordrådet har prioritert Rv15 i sin uttale. Stryn kommune meiner også at midlar til skredsikring må aukast opp til å dekke dei reelle behova i samsvar med Nasjonal Rassikringsgruppe si tilråding. 

2. E39 Byrkjelo-Svarstad-Grodås E39 er eit nasjonalt transportprosjekt for ein stor region og ferjefri E39 er vedteken av Stortinget. Regjeringa har vedteke at trase for ny E39 skal gå frå Byrkjelo i Gloppen kommune via Svarstad i Stryn kommune til Grodås i Volda kommune. Dette er ein parsell som gir svært stor samfunnsøkonomisk nytteverdi med om lag ein time spart køyretid. Ferjefri E39 er eit viktig sambindingsprosjekt med potensiale for stor lokal, regional og nasjonal verdi. E39 Byrkjelo – Svarstad - Grodås vil skape ein ny bu- og arbeidsmarknadsregion i indre Nordfjord og Sunnmøre. Det er viktig at ein planlegg desse vegane på ein måte som gjer at den regionale verdien av ferjefri E39 vert reell, både når det gjeld plassering og utforming av kryss og avkøyringar, samt tilkomstvegar inn til E39. Dette gjeld m.a. å sjå E39 og Rv15 i samanheng. Regjeringa har alt vedteke konseptvalet og det er ingen lokal strid om traséval for E 39.Stryn kommune meiner at E39 Byrkjelo - Svarstad - Grodås, etter vedteken trasé, må inn i første planperiode NTP 2022-2033. Det pågåande planarbeid må framskundast. Stryn kommune støttar Nordfjordrådet, som har peika på at det er viktig å prioritere dette prosjektet inn i NTP 2022-2033. 

3. Gang- og sykkelvegar ved RV 15 Stryn kommune krev at det må prioriterast nok midlar til bygging av gang- og sykkelvegar, særleg der skulebarn ferdast.Stryn kommune ber om at prioriterte gang- og sykkelvegar langs RV 15 vert tekne med ved rullering av NTP 2022 – 2033. Kommunen sin prioritet er: 1. Svarstad-Lunde 2. Riise-Kyrkjeeide og vidare til Storesunde4. Fylkesvegar Stryn kommune peikar på akutt behov for rassikring av:1. Fylkesveg Olden – Briksdal2. Fylkesveg Loen – Bødal.  5. Fylkesveg 60; Olden – StrynFylkesvegen har framleis store manglar.Stryn kommune ber om at oppgradering av FV 60 mellom Olden og Stryn sentrum, med Tyvanestunnelen og Stavenestunnelen, og gul midtstripe på heile strekninga vert prioritert.

6. Gang- og sykkelvegar langs FV 60 Stryn kommune ber om at gang- og sykkelveg langs FV60 vert prioriterer. Kommunen sin prioritet er:1. Loen – Solvik2. Hildastranda