Nærings- og samfunnsutvikling

Stryn er kjend for å ha eit godt samarbeid mellom kommune og næringsliv. Dette samarbeidet skal ha høg prioritet, følgjast opp og vidareutviklast. Det er viktig at vi i denne samanhengen tek heile kommunen i bruk. 

STRYN ARBEIDARPARTI VIL:

• sikre at det vert lagt til rette med meir byggeklart nærings- og bustadareal i heile kommunen i framkant av behovet. Kapasiteten i planarbeidet må aukast. 

• krevje at tildelt industri- /næringsareal skal ha byggjefrist på 2 år 

• etablere gode rutinar for samhandling mellom planavdelinga og bygdeutviklingslaga i lokalt utviklingsarbeid 

• ha fokus på framkomelege og rastrygge vegar som gir reduserte transportkostnader og gir større bu- og arbeidsregionar 

• medverke til gode vilkår for landbruksnæringa • arbeide for jordvern av lettdriven og god matjord for å sikre lokal matproduksjon. 

• legge til rette for ei reiselivsnæring som har tydeleg miljøprofil og vil ta heile kommunen i bruk som heilårs destinasjon 

• stimulere til auka bruk av naturressursar som solenergi, vasskraft, bioenergi og andre tilgjengelege løysingar for produksjon av rein energi